O domingo 8 de novembro, en horario de 10.00 a 15.00 horas, celébrase a XXXVI edición da Feira do Mel baixo a cuberta da pista polideportiva de Perillo, na avenida da II República. Un total de 45 apicultores galegos virán a Oleiros a expoñer e vender os seus produtos.

As persoas que se acheguen a esta feira poderán coñecer e adquirir todo tipo de alimentos e artigos relacionados co mel, desde os máis tradicionais ata produtos de beleza e coidado corporal. Ademais, ás 12:00 actuará o grupo de gaitas e cantareiras de Semente Nova de Perillo e as 13:00 horas ofrecerá un concerto a banda Municipal do Concello de Oleiros.

Con esta feira, única en toda Galicia, o Concello de Oleiros pretende apoiar a un sector produtivo que sofre a constante ameaza da globalización, dos novos costumes alimentarios e nos últimos anos tamén da avespa velutina.