Os maiores de 65 anos déronse cita na localidade para celebrar unha comida de confraternidade

Os maiores de Outes celebraron a súa festa. O Concello organizou un ano máis un día de homenaxe para a veciñanza con máis de 65 anos.
Despois dunha misa oficiada polos párrocos Roberto e Johan, a xornada continuou cun xantar de confraternidade entre os asistentes no polideportivo municipal, a música correu a cargo do grupo Élite.
Os participantes puideron compartir unha xornada na que se intercambiaron impresións, recordos e anécdotas de tempos pasados, o obxetivo, foi, un ano máis, ofrecer un lugar de encontro á veciñanza.
Dende o Concello de Outes agradeceron un ano máis a “alta participación da veciñanza neste encontro, que pretende ser un recoñecemento público a unha vida de esforzo e traballo á veciñanza da vila que forman parte da memoria e da historia da nosa vila”.