Os bombeiros de Betanzos excarcelan ao acompañante do condutor dun camión en Teixeiro

Os bombeiros do parque Comarcal Provincial do Betanzos foron alertados esta tarde de venres dunha saída de vía dun camión en Teixeiro, na estrada DP-0302 (pk. 0,200). O 112 alertou aos bombeiros de que o vehículo, de grandes dimensións, saíu da vía ata chegar a impactar contra unha arboreda. A cabina quedou totalmente esmagada e o condutor saíu polo seu propio pé.
O acompañante do condutor tivo que ser excarcelado xa que quedou atrapado por unha perna ó esmagarse a cabina contra as árbores. O accidentado estaba estable, segundo os servizos de emerxencias, aínda que tivo que ser evacuado ao Hospital polo 061.