• Haberá unha yincana, varios obradoiros, un concurso de cabazas e outro de disfraces.
O Concello de Cariño celebrará o Samaín no Mercado Municipal este sábado, 2 de novembro, cun programa cargado de actividades que dará comezo a partir das 17:00 horas.
A programación contempla unha yincana terrorífica, varios obradoiros e dous concursos, un de cabazas e outro de disfraces. Para participar en ambos os concursos, os interesados terán que traer os disfraces e as cabazas preparadas previamente de casa.
Ademais, tamén se poderán degustar varios produtos típicos destas datas, por exemplo as castañas asadas. Todas as actividades do programa serán gratuítas e están dirixidas a todos os públicos.
A actuación de Xoán Curiel e a celebración do Día das Bibliotecas pechan a semana en Cariño
A semana pasada levaron a cabo varias actividades no Concello de Cariño. O xoves, 24 de outubro, con motivo do Día das Bibliotecas, a biblioteca municipal organizou a actuación ‘Imos ao recreo’, coa que gozaron os alumnos e alumnas do CEIP Manuel Fraga Iribarne.
Doutra banda, o sábado celebrouse no Auditorio Municipal o espectáculo musical e teatral ‘Conto-Concerto’, da man do artista Xoán Curiel. A actuación, que contou con entrada gratuíta, estivo orientada ao público infantil, que puido gozar do relato dunha historia que mesturou varios estilos musicais.
Deja un comentario
Lo siento, debes estar conectado para publicar un comentario.