Ortigueira prepárase para celebrar o Samaín con actividades para todas as idades

• Haberá talleres, túnel do terror, concurso de cabazas e máis.

O Concello de Ortigueira anuncia a celebración do Samaín 2024, unha das festividades máis esperadas da tempada outonal. O próximo 26 de outubro, a localidade acollerá un variado programa de actividades que convidará tanto aos máis pequenos como aos maiores para gozar dunha xornada repleta de tradición, creatividade e diversión.

As actividades comezarán a partir das 17:00 horas no Centro Social de Ortigueira, onde levarán a cabo dous talleres. Os nenos e as súas familias poderán participar nun taller de maquillaxe aterradora, ideal para aqueles que queiran lucir un aspecto horrible durante o resto do día. Así mesmo, quen prefira desenvolver a súa destreza manual terán a oportunidade de elaborar as súas propias mazás terroríficas.
A celebración continuará no mercado municipal, onde de 19:30 a 22:00 horas estará aberto o Túnel do Terror, unha das atraccións máis esperadas e emocionantes do evento. O túnel, cheo de sorpresas e personaxes tenebrosos, promete facer vivir momentos de auténtica adrenalina a quen se atreva a cruzalo.
Paralelamente, desde as 17:00 horas, tamén levará a cabo o tradicional Concurso de Cabazas, organizado pola Asociación de Comerciantes de Ortigueira (ACO). As cabazas decoradas estarán expostas para que todos poidan admirar a creatividade e o esforzo dos participantes. O concurso culminará ás 19:00 horas coa entrega de premios ás mellores cabazas.

Como colofón a esta xornada festiva, a partir das 19:30 horas, terá lugar o Magosto nas inmediacións do Centro Social, onde se poderá gozar das tradicionais castañas asadas nun ambiente cálido e familiar. O Magosto é unha oportunidade única para reunirse, compartir historias e gozar dun dos manxares típicos da tempada.

O Concello de Ortigueira convida a todos os residentes e visitantes a sumarse a esta xornada máxica, onde o misterio do Samaín e a rica tradición galega entrelazaranse para ofrecer unha experiencia inesquecible.

Con eventos para todos os gustos e idades, o Samaín de Ortigueira 2024 promete ser unha celebración chea de sorpresas, diversión e unión comunitaria.