— Reclama ao Goberno central que acompañe a Lei do financiamento necesario para que cumpra realmente co obxectivo de mellorar a calidade de vida dos pacientes e coidadores
— A Xunta inviste 2 millóns de euros para apoiar con 12.000 euros anuais ás persoas que están nesta situación
A conselleira de Política Social e Igualdade, Fabiola García, destacou o empeño de doentes, familiares e coidadores para que a Lei ELA sexa hoxe unha realidade, aínda que lamentou que tiveran que agardar tres anos desde que se iniciara a súa tramitación no Congreso. Fíxoo nunha visita á sede da Asociación Galega de Afectados de Esclerose Lateral Amiotrófica (Agaela) para valorar a aprobación da nova lei con responsables, persoal e usuarios da entidade.
Fabiola García, que estivo acompañada polo director xeral de Maiores e Atención Sociosanitaria, Antón Acevedo, sinalou que toda axuda é necesaria para aliviar a situación que teñen que afrontar os enfermos e aos seus coidadores, que na maioría dos casos forman parte do contorno familiar. Ao respecto, indicou que estas persoas non só teñen que enfrontarse á enfermidade en si mesma, senón tamén a numerosos gastos derivados dela, tales como a adquisición de cadeiras de rodas e de camas articuladas ou tratamentos de fisioterapia, entre outros.
A conselleira advertiu da necesidade de que o Goberno central acompañe a Lei ELA do financiamento necesario para que non quede en papel mollado e cumpra realmente co obxectivo de mellorar a calidade de vida dos pacientes e coidadores. Neste sentido, indicou que a Xunta de Galicia inviste 2 millóns de euros en apoiar con 12.000 euros ao ano aos pacientes de ELA. Desta axuda benefícianse máis de 200 persoas na nosa comunidade.
Deja un comentario
Lo siento, debes estar conectado para publicar un comentario.