O Concello de Oleiros inicia un novo programa de reforzo e apoio educativo (PRAEMO) a finais de outubro para alumnado de primaria e secundaria

O programa de reforzo e apoio educativo municipal de Oleiros (PRAEMO) volverá a comezar a finais de outubro. Este programa educativo está dirixido ao alumnado de primaria e secundaria do concello.

Os obxectivos do PRAEMO son previr o fracaso escolar, reducir e previr o absentismo, apoiar ás familiar fóra dos horarios propiamente lectivos, apoiar ao alumnado no avance e desenvolvemento dos seus estudos, promover hábitos e técnicas de estudo e reforzar as aprendizaxes realizadas nas escolas e institutos.

O programa comezará a semana do 21 de outubro e rematará a semana do 20 de xuño nos correspondentes centros culturais municipais co seguinte horario semanal:

Educación Primaria:
• Luns: 17:00 a 19:00 no Centro Cívico de Santa Cruz
• Luns: 17:00 a 19:00 na Casa do Pobo de Nós
• Martes:17:00 a 19:00 na Casa da Cultura de Perillo
• Xoves: 17:00 a 19:00 no Centro Social AAVV Maianca (Lagoa de Mera)
Educación Secundaria:
• Mércores: 18:15 a 20:15 no Cetro Cívico de Santa Cruz
• Xoves : 18:00 a 20:00 na Casa do Pobo de Nós
• Venres: 17:00 a 19:00 no Centro Social AAVV Maianca (Lagoa de Mera)
• Venres: 18:00 a 20:00 na Casa da Cultura de Perillo

O prazo de pre-inscrición estará aberto ata o 18 de outubro, entregando a ficha de inscrición cuberta e asinada nas oficinas da Concellería de Ensino e Xuventude (Centro Cultural A Fábrica-Rúa do Inglés, 13), a través da Sede electrónica ou correo electrónico a a.candamio@oleiros.org

O prezo da actividade é de 10,00€ ao mes.

Máis información na área de ensino na Fábrica ou a través do teléfono 981610000 ext. 4921- 4922- 4903.