A IV Edición do Trail Concello de Miño Boucelo-San Ramón celebrarase o 17 de novembro

● As inscricións están abertas ata o luns 11 de novembro e deberán formalizarse a través de www.carreirasgalegas.com

O Concello de Miño anuncia a celebración da cuarta edición do Trail “Concello de Miño”, unha proba deportiva que reunirá a amantes do deporte ao aire libre nunha contorna natural única. O evento terá lugar o domingo 17 de novembro de 2024 na parroquia de Boucelo, baixo a emblemática mirada do Monte San Ramón.

Este trail, dirixido tanto a corredores experimentados como a aqueles que gozan da actividade física na natureza, contará con tres modalidades adaptadas a diferentes niveis de preparación física:
• Trail Longo: 23,2 km cun desnivel positivo de 885 metros. A saída está programada para as 09:30 horas.
• Trail Curto: 13,3 km cun desnivel positivo de 450 metros. A saída será ás 10:00 horas.
• Andaina: Unha camiñada de entre 10 e 12 km aproximadamente, cun desnivel positivo de 250 metros. Os participantes desta categoría sairán ás 09:45 horas.
O último día para inscribirse é o luns 11 de novembro de 2024, ata as 00:00 horas. As inscricións pódense realizar a través da páxina web: www.carreirasgalegas.com.

Este evento está organizado polo equipo de Trail Galea Sport en colaboración co Concello de Miño e a Federación Galega de Atletismo.

Para máis información, os interesados poden contactar coa organización mediante o correo electrónico: trgaleasport@gmail.com.