Os tribunais condenan ao Concelllo a devolver as contribucións pagas con intereses e costas aos 11 veciños da Rúa dá Tema
Como era previsible os tribunais puxeron no seu sitio a García Seoane resolvendo un episodio de persecución a un rival político que, ademais, era o portavoz do Grupo Municipal Socialista de Oleiros.
O Alcalde empeñouse e finalmente consumouno ao impoñer unha contribución especial polas obras de urbanización aos veciños da Rúa dá Tema, en Mera, en lugar de requirir á empresa promotora que non as levou a cabo e isto a pesar de que dita empresa tiña constituído un aval, como é preceptivo, para o caso de incumprimento. Non queremos adiantar as consecuencias penais -se é que se acode a esa via- que poida ter para o Alcalde de Oleiros.
Hoxe Jorge Pérez abandonou a política municipal.
Non é a primeira vez, nin será a última, que o Alcalde utiliza os medios e recursos municipais para soster a súa alcaldía.
Na lexislatura pasada derrubou, con outros dous, o chalé onde vivía o portavoz do Partido Popular, que tivo que abandonar o concello. A escusa paisaxística que xustificou o atropelo non impediu que, finalmente salvase unha das edificacións para usos hostaleiros. Hoxe, José Bonome abandonou a política municipal.
“Cremos que 40 anos de goberno imprimiron en García Seoane, Alcalde de Oleiros, comportamentos carentes de todo respecto a a liberdade dos cidadáns e menos aínda se estes integran os partidos da oposición”, lamentou Loli Silva, portavoz do Grupo Municipal Popular.
