O CCM de Monelos abrirá a nova tempada con actividade cada semana dende as 17.00 e ata as 20.30 horas
Os Centros Cívicos Municipais abren unha nova tempada dos bailes de maiores, unha das actividades máis populares entre as persoas maiores da cidade. Dende este luns 7 de outubro e ate o vindeiro 17 de decembro, milleiros de coruñesas e coruñeses gozarán dos bailes promovidos polo Concello da Coruña co obxectivo de fomentar a sociabilidade entre as persoas de idade avanzada.
Nesta actividade participan cada ano preto de 18.000 persoas usuarias. O primeiro baile celebrarase este luns 7 de outubro, no Centro Cívico de Monelos, repetíndose a cita semanalmente. Ademais, os martes haberá baile no centro cívico de Labañou, os xoves no Castrillón e Eirís (en semanas alternas e comezando no Castrillón o xoves 17), os venres nos Mallos, os sábados en San Diego e os domingos en Monte Alto. O horario será sempre o mesmo: de 17.00 a 20.30 horas.
O Goberno de Inés Rey pon en marcha unha nova edición dos bailes de maiores como ferramenta para combater a soidade non desexada e favorecer o envellecemento activo. Ademais, a contratación de músicos e orquestras para dita actividade supón un revulsivo económico posto que a gran maioría reducen as súas actuacións tras a época estival.
Deja un comentario
Lo siento, debes estar conectado para publicar un comentario.