Os usuarios e usuarias do curso de habilidades sociais levado a cabo polo Concello de Ordes están a vivir un Entroido do máis intenso. Por primeira vez decidiron presentarse conxuntamente ao concurso de disfraces que o Concello ten organizado para o vindeiro sábado, 13 de febreiro. Eles mesmos, coa axuda das súas monitoras, confeccionaron os disfraces e complementos que os transformará nos personaxes dunha das series de animación máis populares de todos os tempos. Tras isto aínda lles chegou o tempo para poñerse mans á masa e elaborar periquitos, ourellas e outras deliciosas receitas propias destas festas.
