O PP de Culleredo acusa a Rioboo de “deixamento de funcións” tras outro pleno sen contido.

∙ Tras prometer que en setembro presentaría unha proposta de orzamentos para o 2025, desde o Grupo Popular seguen sen ter ningunha noticia respecto diso.

∙ Desde o Partido Popular inciden en sinalar que “a lista de temas pendentes é tan longa que daría para un pleno á semana, e este goberno é incapaz de traer un tema ao mes”.

O Partido Popular denuncia “de novo a escandalosa falta de seriedade e compromiso de José Ramón Rioboo cara aos cidadáns de Culleredo. A absoluta falta de xestión e a ineptitude deste equipo de goberno demostrouse unha vez máis neste último pleno”.

No pleno ordinario de setembro celebrado onte, o alcalde “volveu desviar a atención e a responsabilidade cara á oposición, eludindo asumir que a súa deber é o de presentar propostas para mellorar a vida dos veciños. Algo do que é incapaz, el e o seu equipo de goberno”, sinala García Gorostizu. Só saíu adiante a moción do Grupo Popular
para recuperar e poñer en valor o Museo dos Molinos de Acea de Ama e fíxoo por unanimidade da corporación.

Con temas tan principais como “os orzamentos para 2025, a licitación dos contratos caducados, un novo proxecto para o pavillón de Tarrío, unha solución para o errado parque de Báñalas, poñer en marcha acordos plenarios como o que conseguimos en setembro de mantemento das instalacións deportivas, e un longo etc., o alcalde atrévese a convocar un pleno sen levar absolutamente nada que debater e aprobar. Unha absoluta vergoña”, denuncia a líder popular.

Especialmente preocupante é o capítulo dos gastos correntes, cuxo saldo, a falta dun trimestre para que termine o ano, é de “tan só 35,12€!! cando en xaneiro partiamos de 8 millóns de €. Iso é o que queda do orzamento para servizos básicos; iluminación pública, limpeza viaria, recollida de lixos, servizo de augas, pavimentación de vías públicas, entre outros. Que nos diga o señor alcalde como pensa xestionar este desastre”, advirten desde o Grupo Popular.

Os populares de Culleredo consideran inadmisible esta actitude do alcalde que “aplica a machada a súa condición de dedicación exclusiva á Deputación porque polo concello non se lle ve. Non asiste ás comisións informativas, nin ás xuntas de portavoces. E quen lle substitúe non é capaz de dar conta das actividades do alcalde”.

A situación actual de deixamento de funcións do alcalde “agrávase día a día, prexudicando notablemente a vida dos nosos veciños pola progresiva deterioración dos servizos municipais. Por iso pedímoslle a José Ramón Rioboo que asuma a súa responsabilidade. Que se poña a traballar, que poña a traballar aos seus concelleiros. E se o cargo queda grande, moi grande cremos desde o Partido Popular, que dimita e deixe de prexudicar a Culleredo”..