Hoxe ao mediodía tivo lugar no Auditorio vello un festival infantil como peche do campamento de conciliación “Días sen Cole” organizado polo concello de Ribeira.
A concelleira de Servizos Municipais, Tania Redondo xunto cos técnicos/as do concello de servizos sociais e a empresa Golfiño non disimulaban satisfacción e alegría cos nenos e nenas despois dun verán sen cole moi conciliador e exitoso.
Redondo salientou que “estamos moi satisfeitos non só pola acollida senón tamén polo traballo realizado”,tamén falou das actividades deste campamento “tiveron actividades relacionadas co medio ambiente, co mar, reciclaxe e xogos tradicionais para preservar a nosa cultura”. A acollida de este ano sumou un total de 180 nenos/as das 150 prazas habilitadas que tiveron que ampliarse pola gran demanda dos pais, e tamén como novidade este ano acondicionouse o servizo de comedor e madrugadores.
“A medida que vaia pasando o tempo ampliaremos máis servizos, xa non só en época estival senón tamén no inverno para que tódalas familias podan conciliar durante as súas vacacións” finalizou.
