Carballo foi un dos vinte concellos galegos, e o único da Costa da Morte, beneficiario da liña de axudas convocada pola Dirección Xeral de Calidade Ambiental, Sostibilidade e Cambio Climático para o desenvolvemento do proxecto PIMA, destinado á realización de accións de mitigación e adaptación ao cambio climático (resolución publicada no DOG do 16 de novembro de 2023).
O Concello de Carballo optou por inserir superficies permeables e arborado nas franxas de aparcamento das rúas Perú (entre a rúa Pontevedra e a avenida de Razo), Enrique Sánchez, Avilés de Taramancos e Bos Aires (fronte á Biblioteca Municipal Rego da Balsa), nas que se substituíu o pavimento existente por zonas de celosía dotadas con cadansúa árbore: 29 en total, distribuídas do seguinte xeito:
Rúa Enrique Sánchez: 3 exemplares de Betula alba (bidueiro branco)
Rúa Perú: 9 de Prunus serrulata (cereixo xaponés)
Rúa Bos Aires: 4 de Albizia julibrissin (árbore da seda)
Rúa Perú: 9 de Albizia julibrissin
Rúa Avilés de Taramancos: 4 de Betula alba
