Gelo pon véndaa antes da ferida ao indicar que os incidentes durante as festas débense a xentes procedentes da Coruña.
Coa súa preocupación pola existencia dun servizo de autobuses nocturno á Coruña parece solicitar a súa eliminación.
As recentes manifestacións de García Seoane solicitando roteiros circulares dentro do municipio e a limitación ou supresión do servizo de autobuses nocturno á Coruña durante as celebracións das festas patronais indica que, canto menos, quere largar balóns fóra por se se repetisen os gravísimos incidentes, similares aos que se produciron en anos anteriores.
” Con estas manifestacións o alcalde certifica que os problemas de seguridade en Oleiros non quedaron, nin moito menos, resoltos e iso a pesar da insistencia do Partido Popular e o seu grupo municipal ao longo de toda a lexislatura.” manifestou a Portavoz Popular Loli Silva.
” Seria demencial, un auténtico despropósito, que eses veciños da Coruña cuxa chegada teme o alcalde como posibles causantes de incidentes, cheguen en autobuses ao longo da xornada ás festas e despois, ao finalizar, non tivesen en que volver. E Sería aínda peor que eses mesmos suxeitos viñesen nos seus propios coches, e despois da inxesta de substancias de todo tipo metésense nas estradas da zona co consecuente risco para a seguridade viaria” engadiu Silva.
Para o Partido Popular o sensato é que haxa un servizo de autobuses que permita contribuír ao desconxestionamento dos accesos ao municipio, así como a liberación de prazas de aparcamento que tanta falta fan aos residentes e que contribúa, á vez, á seguridade, en contra da opinión do alcalde, ao ser unha alternativa ao uso do coche baixo algún efecto do alcol.
“Son moitas as festas patronais e moitos miles de persoas as que se verán expostas a calquera tipo de incidente. Esperemos que os servizos municipais estean convenientemente reforzados por que o alcalde fixese os seus deberes” concluíu a portavoz popular.
