O CONCELLO OLEIRENSE PRESENTA Os ÍNDICES MÁS BAIXOS DE COBERTURA DE TODO A área METROPOLITANA CUN 46% DA súa SUPERFICIE MUNICIPAL CON PROBLEMAS NA RECEPCIÓN E CALIDADE DO SINAL
Treinta e tres antenas para os distintos operadores é toda a infraestrutura de comunicacións do concello de Oleiros. Coñecendo estas cifras enténdese moito mellor a orixe dos problemas de cobertura e calidade nas comunicacións de moitos dos case 40.000 veciños do concello.
A xuízo do Partido Popular, estas zonas de “sombra” que afectan ao 46% da superficie municipal son froito -unha vez máis- da falta de previsión do Alcalde, que segue indo a remolque dun crecemento poboacional que non vai acompañado do obrigado desenvolvemento de infraestruturas que permitan cubrir as necesidades dos veciños de Oleiros. Tristemente, neste concello temos multitude de exemplos desa asincronía: rede de saneamento obsoleta, vías de comunicación saturadas, mantementos insuficientes, falta de seguridade e efectivos policiais… E algo tan básico para a poboación na actualidade como é a comunicación telefónica convértese nun suplicio para moitos dos veciños de Oleiros derivados da baixa calidade en moitas das súas chamadas ou falta de implantación dunha rede 5G á altura do concello con maior renda per cápita de Galicia.
En opinión do Partido Popular, estas carestías agudízanse na época estival, cando a poboación crece de maneira estacional e increméntase notablemente a afluencia de visitantes ás praias e aos eventos festivos que teñen lugar en Oleiros nos meses de xullo e agosto, principalmente.
“Parece que a escasa empatía que practica o Alcalde cos seus homólogos de concellos veciños e doutras administracións atopa o seu reflexo na pouca habilidade que exhibe Gelo para alcanzar acordos coas operadoras de telefonía e conseguir o despregamento de antenas que Oleiros necesita. Un verán máis, os veciños vémonos condenados a sufrir os problemas de cobertura derivados do abandono e abandono aos que xa nos ten afeitos García Seoane”, lamentou a este respecto Loli Silva, portavoz municipal do Partido Popular.
“Oleiros non se merece isto. É lamentable comprobar como cada verán, en eventos festivos como os de Santa Cruz, Mera ou Perillo, a rede de telefonía satúrase co número de usuarios e cantidade de xente queda “incomunicada”, tanto en cobertura de voz como en datos”, concluíu a portavoz popular Loli Silva.
