O presidente da Xunta, Alfonso Rueda, reuniuse esta tarde cos reitores das tres universidades galegas para darlles conta dos detalles da gratuidade da matrícula para estudantes de grao, que se aplicará tamén nas ensinanzas artísticas superiores. Ambos decretos de prezos públicos aprobáronse hoxe no Consello da Xunta co obxectivo de que estean vixentes xa no próximo curso.
Durante a reunión tamén abordaron outras cuestións de interese e vías de colaboración entre as universidades e a Administración autonómica.
