A fundación promove as actividades que realiza Proxecto Home para a loita contra as drogodependencias
A alcaldesa da Coruña, Inés Rey, asinou no palacio de María Pita coa Directora-Presidenta de Proxecto Home Galicia, Ofelia Debén Rodríguez, o convenio polo que o Concello renova o seu compromiso con esta entidade que traballa pola rehabilitación e a inserción social das persoas con drogodependencia.
O convenio, destinado ao tratamento destas persoas, ten un importe de 30.000 euros. “Con convenios coma o que mantemos desde hai moito tempo con entidades como a Fundación Monte do Gozo, o Concello contribúe á loita contra as adiccións no ámbito das súas competencias, que son as da prevención e o apoio ás persoas que queren superar a súa situación”, sinalou Inés Rey.
Neste ano 2024, O Concello, a través da Concellaría de Benestar Social mantén convenios nominativos por máis de tres millóns de euros con entidades que traballan pola inclusión, a loita contra as adiccións, os maiores, a infancia, a discapacidade e a defensa dos dereitos e o benestar de persoas enfermas e os seus familiares.
