As obras están financiadas con fondos Next Generation e comezaron na rúa Curtis
O Concello da Coruña continúa levando a cabo melloras de accesibilidade nos diferentes barrios da cidade. Nesta ocasión, comezaron os traballos para actuar en 16 paradas de autobús do servizo urbano de transportes co fin de adaptalas ás necesidades de todas as persoas.
Os traballos comezaron na parada número 508, situada no número 6 da rúa Curtis. As actuacións consistirán na ampliación da plataforma das paradas de autobús para darlle continuidade ás beirarrúas e permitir a aproximación correcta dos vehículos, de modo que poidan empregar sen dificultadas as ramplas de acceso.
Os traballos levaranse a cabo de xeito gradual e en función das necesidades e da dispoñibilidade. O prazo de execución do conxunto dos traballos será de oito meses e o orzamento é de 700.000 euros, financiados a través de fondos europeos Next Generation.
O Goberno de Inés Rey acometeu desde o 2019 traballos de mellora da accesibilidade en máis de 50 paradas de autobús, ás que haberá que sumar estas novas 16 intervencións. O compromiso do executivo municipal é garantir o acceso universal ao servizo de transportes urbanos.
As 16 paradas adaptadas
● Parada 264 – Rolda de Outeiro, Hotel Avenida
● Parada 549 – As Lagoas
● Parada 507 – Vicente Alexandre, 1
● Parada 18 – Avenida da Concordia, 27
● Parada 69 – Avenida da Concordia, 188
● Parada 509 – José María Hernansáez, 31
● Parada 508 – Curtis, 6
● Parada 65 – Avenida da Concordia, 50
● Parada 15 – Praza de Pablo Iglesias, 8
● Parada 67 – Abegondo, 3
● Parada 129 – San Pedro de Mezonzo
● Parada 173 – Avenida de Navarra, 27
● Parada 85 – Honduras
● Parada 87 – Manuel Azaña, 26
● Parada 89 – Emilio González López, 32
● Parada 553 – Emilio González López , 44
