O martes 11 de xuño ás 18:30 horas presentarase na biblioteca Rosalía de Castro de Santa Cruz a obra infantil de Paloma Muro, La jirafa Kara y su descubrimiento.
Neste libro, a través dos diálogos consensuados entre humanos e animais poderanse solucionar todo tipo de problemas de convivencia. Neles participarán desde os animais máis pequenos, as formigas; ata os máis grandes, os elefantes.
A acacia é a árbore de descanso e alimento. Cada personaxe ten o seu lugar e as súas necesidades vitais, incluídos os humanos. Todos xuntos poderemos aprender a respectarnos mutuamente e a colaborar coa natureza.
A actividade está destinada a público familiar e infantil.
Desde as bibliotecas municipais invítase a todas as persoas que desexen asistir, ata completar o aforo.
