· O prazo de inscrición xa está aberto e termina mañá, mércores 17 de abril.
· O itinerario contempla visitar os centros históricos dos dous municipios leoneses, así como o Castillo dos Templarios.
O Concello de Bergondo, no marco da súa programación de viaxes socioculturais para veciñas e veciños de municipio, organiza o próximo día 11 de maio unha saída a Ponferrada e Molinaseca.
Dirixida a calquera residente maior de 18 anos (os menores poderán apuntarse sempre que vaian acompañados dun adulto), a expedición partirá da Casa do Concello bergondesa ás 8:00 horas, e regresará sobre as 22:00 dese mesmo día.
No itinerario contémplase a visita ao Castillo dos Templarios, unha fortaleza de orixe prehistórica e que está considerado como un dos máis notables do noroeste de España, sendo declarado como Ben de Interese Cultural (BIC) e Monumento Nacional hai un século (1924). Ademais, tamén se poderá pasear polos centros históricos das dúas poboacións leonesas.
O período de inscrición ábrese hoxe, martes 16 de abril, e estará aberto ata mañá. Para inscribirse, as persoas interesadas deberán chamar ao 981 791 252 ext.7 ou encher o seguinte formulario: https://docs.google.com/forms/d/13dcuomLjbRSMuyAmjNucTNnX3QNi6Lh5xbW3jE8HWNI/viewform?edit_requested=true. No caso de que haxa máis solicitudes que prazas, este venres, 19 de abril, realizarase un sorteo ás 10:30 horas na Casa dá Cultura.
O prezo da viaxe é de 20 euros e o pago deberá realizarse entre os días 25 e 26 de abril.
