Durante a mañá de hoxe, luns 15 de abril, a concelleira de Saúde, Cultura e Educación, Ana Cartelle, acudiu á Residencia de Maiores de Ortigueira para felicitar a Dona María Mira Canosa polo seu 100º aniversario.
María é usuaria do centro e recibiu o agarimo e os obsequios da edila, en representación do Concello de Ortigueira, así como a calor dos seus compañeiros e compañeiras nunha data tan sinalada.
