A alcaldesa da Coruña, Inés Rey, que tamén é presidenta da empresa que xestiona a depuradora de augas de Bens, debe esixir ao Concello de Cambre o pago do millón trescentos mil de euros que debe e que xa cobrou á súa veciñanza. Así o manifestou o alcalde de Oleiros, Ángel García Seoane, quen estima que esa débeda non está motivada polo conflito que está enfrontando á alcaldía dese concello con determinados funcionarios públicos.
A decisión de non pagar é política, xa que o Concello de Cambre cobrou ese diñeiro aos veciños e o ten no banco, sen aboalo á empresa pública que forman os concellos de Oleiros, Culleredo, Arteixo, Cambre e A Coruña.
“Así é fácil ter cartos, cobrándolle aos veciños e non pagando á empresa xestora”, manifestou García Seoane en referencia á fachenda municipal de Cambre de ter superávit bancario.
