O Partido Popular de Oleiros vén denunciando o descaro entre o que predica García Seoane e o que practica.
Un ano máis o Grupo Municipal Popular denunciou en sesión plenaria que se manteñen os penachos na leira que posúe o alcalde en Iñas. É a terceira vez que o partido denuncia estes feitos sen que o alcalde tomara medidas para erradicalos.
En opinión do Partido Popular, clama ao ceo que esixe á cidadanía unha actuación decidida contra o mantemento e proliferación deste arbusto invasor e que, nas súas propiedades, non tome medidas ao respecto.
Ante a denuncia dos concelleiros do Grupo Popular, García Seoane afirmou que xa enviou unha mensaxe para que sexan eliminados. “Agardamos que nesta ocasión cumpra co seu compromiso e, ao mesmo tempo, coas súas propias normas”
