Unha muller de mediana idade resultou morta esta madrugada no incendio do seu piso, nun edificio plurifamiliar en Beiramar, Perillo, sobre as 3:30h.
Emerxencias de Oleiros acudiu á chamada do 112 xunto cos bombeiros comarcais con sede en Arteixo.
O incendio, de considerable dimensión, obrigou a desaloxar a casa, pero os veciños e veciñas puideron volver a ocupar a súa vivenda unha vez que os operativos realizaron as comprobacións oportunas.
Durante o desaloxo, indicouse a dúas persoas que ocupaban unha vivenda inmediatamente superior á afectada que permanecesen nela, porque non se daban as condicións para saír. Máis tarde xa foi posible e todo se foi normalizando.
A vivenda afectada polo lume quedou inservible. O protocolo xudicial púxose en marcha para estudiar as cuestións que determinaron o suceso.
