● A institución freta un autobús desde o concello para que os seus veciños e veciñas asistan, o 13 de abril, á función de “Vos actos e as profecías” en Santiago de Compostela.
A poboación de Miño terá a oportunidade de subirse ao autobús do teatro, grazas ao programa de mobilidade do Centro Dramático Galego. A institución anima aos veciños e veciñas do concello a gozar do teatro con todas as comodidades, ofrecendo un servizo de autobús ata Santiago de Compostela para asistir a unha representación teatral.
Concretamente, o 13 de abril sairá devandito autocar desde a Casa do Concello miñense, ás 16:00 horas, para asistir á obra “Vos actos e as profecías” de Xacio Baño e Tamara Canosa no Salón Teatro, na capital galega. Os e as participantes asistirán á función das 18:00 horas e o autobús de volta partirá cara a Miño ás 20:30 horas.
O prezo da actividade é de 3 euros e os interesados poden obter máis información e inscribirse dese hoxe e ata o 2 de abril a través do teléfono 627 459 382 ou no correo electrónico cultura.deportes@concellodemino.gal.
