Do 1 de marzo ao 30 de abril permanecerá aberto o prazo de pagamento voluntario dos impostos IVTM, VAOS, taxa cemiterios municipais e taxa aproveitamento dominio público con caixeiros de entidades bancarias e máquinas expendedoras instaladas en fachadas.
Desde o día 1 de marzo ata o 30 de abril estenderase o período de pago voluntario dos impostos sobre vehículos de tracción mecánica (IVTM), taxa por entrada de vehículos a través de beirarrúas e reserva de espazos (VAOS), taxa cemiterios municipais (nichos) e a taxa por aproveitamento dominio público con caixeiros de entidades financeiras e máquinas expendedoras instaladas en fachadas e manipulables desde vía pública.
A semana próxima comezarán a chegar os recibos aos domicilios e o día 1 de abril serán cargados aqueles que estean domiciliados.
As persoas que non teñan domiciliados os seus recibos poderán facer o pago das seguintes formas:
• En Entidades Colaboradoras: ABANCA, CAIXABANK e BBVA. Neste caso deberán dispoñer previamente dos documentos de ingreso necesarios.
• Na Oficina de Recadación, dentro do seu horario de atención ao público.
• Por internet, banca electrónica e en caixeiro automático. Os clientes das entidades colaboradores citadas, que o permitan, poderán realizar o ingreso das súas débedas por estes medios.
• En www.oleiros.org, sede electrónica, dentro do apartado carpeta cidadá. Para usuarios rexistrados ou que teñan DNI electrónico ou certificado dixital da Fábrica Nacional de Moneda e Timbre (FNMT).
• Para usuarios non rexistrados. En www.oleiros.org, sección Facenda, pagamento de recibos, a través do enlace á pasarela de pagos da nosa entidade xestora. É necesario que teña o recibo que quere pagar posto que terá que teclear a emisora, identificación, referencia e importe que figuran no mesmo.
