AS CARTAS REMITIDAS POLO CONCELLO ADVIRTEN Aos VECIÑOS DAS CONSECUENCIAS PARA OS QUE NON CUMPRAN COA MEDIDA
“Descoñécese se o alcalde incluíuse a si mesmo na relación de destinatarios a quen advirte da obrigación de erradicar a herba da pampa -ou plumachos- das leiras privadas dos oleirenses, pero o que é evidente é que decidiu facer caso omiso á medida en leiras que son da súa propiedade”, declarou Loli Silva, portavoz municipal do Partido Popular, #ante a insólita situación creada polo concello coa erradicación da herba da pampa.
Desde o Partido Popular levamos anos denunciando os riscos ambientais que supón esta especie invasora para a flora autóctona e a necesidade de implantar medidas integrais que permitan a erradicación da herba da pampa no territorio. De nada serve tratar unha zona, deixando sen atender unha leira uns metros máis aló xa que, en breve, volverá colonizar as áreas tratadas. É preciso que os labores de eliminación da especie aplíquense de maneira xeneralizada nun mesmo período de tempo.
Por iso resulta escandaloso e incongruente que o alcalde se atreva a esixir aos demais o que el mesmo non practica mentres os plumachos campan ás súas anchas en leiras da súa propiedade. Consellos vendo e para min non teño.
