· A proba terá lugar o 10 de marzo e recadaranse fondos para a Asociación Provincial Contra o Cancro.
· As inscricións poden realizarse en www.correndopolacostadamorte.com.
O Concello de Camariñas celebrará o 10 de marzo a súa XII Carreira Pedestre, proba inaugural dunha nova edición do Circuíto ‘Correndo pola Costa da Morte’, e para a que xa está aberto o prazo de inscrición. Pode realizarse en www.correndopolacostadamorte.com.
A carreira ten carácter solidario xa que se recadarán fondos para a Asociación Provincial Contra o Cancro a través da categoría 3K contra o cancro’ para persoas nacidas no ano 2008 e anteriores. Ademais, desde a organización habilitouse unha ‘Fila 0’ para que calquera persoa poida facer o seu donativo aínda que non participe en ningunha proba.
As probas, un total de seis, comezarán ás 10:00 horas, coa categoría sub-12. A categoría sub-10 terá saída ás 10:15 horas; a ‘3k contra o cancro’ ás 10:45 horas; a ‘3k sub 14-16-18 contra o cancro’ ás 10:45 horas; a 10K absoluta ás 11:30 horas, e a categoría Pitufos ás 12:45 horas.
Prazo de inscrición
O prazo para inscribirse no Circuíto ‘Correndo pola Costa da Morte’ remata o 5 de marzo ás 23:59 horas, e o prezo é de 35 euros. Para inscribirse na carreira, rematará tamén o martes 5 de marzo, tamén ás 23:59 horas, e o prezo será de 8 euros, co valor engadido de 1 euro se se quere chip. As inscricións para as categorías base son gratuítas.
