Fátima Rodríguez Gonzálvez, voceira municipal do BNG, “hai necesidades importantes en todas as parroquias, debería adquirirse o compromiso de facer obras pendentes en lugar de usar o POS+ para gasto corrente e decidir as obras de forma arbitraria e sen diálogo coa oposición”.
No pleno desta tarde ás 20:30h, en Ponteceso, o BNG abstívose sobre o uso dos preto de 497.000€ de financiamento municipal asignados pola Deputación da Coruña a través do Plan de Obras e Servizos e votou a favor da proposta de uso dos case 48.000€ do POS social para reforzo do SAF.
A maiores da falla de diálogo e consenso que o BNG considera impropia dun goberno que pretenda ser plural e de todas e todos os veciños de Ponteceso. No BNG non está dacordo co destino de máis de 200.000€ (os do POS+ 2024) a gasto corrente.
Con eses 200.000€ entende o grupo nacionalista que poderían abordarse algunha das obras que reclamaron no pleno: o arranxo do camiño que vai desde a Praza da Bugalleira ata Rieiro e Vilasuso, na parroquia e Tallo; ou o arranxo do camiño do barrio San Antonio na parroquia de Xornes.
No BNG tamén teñen reservas das intencións do goberno municipal de adicar futuras achegas complementarias do POS+ a gasto corrente, como se deduce de que só se inclúa unha obra (Abastecemento en Guxín) por valor de 138.000€ na biblioteca para achegas complementarias. Habitualmente as achegas complementarias igualan ou as veces superan á achega inicial.
“Noutro pleno, hai un par de meses, xa explicamos que a cidadanía de Ponteceso entende que o POS+ debe adicarse a obras e que no pleno de Ponteceso case houbo unha guerra no pasado por querer adicar o POS+ a gasto corrente, polo que non estamos dacordo con este uso” explicou a voceira do BNG, Fátima Rodríguez Gonzálvez.
