― As novas actuacións levaranse a cabo na AC-544, no municipio de Outes; e na vía de altas prestacións CG-2.1 ao seu paso polos concellos de Monforte de Lemos, Pantón e O Saviñao
― Tamén comezarán os traballos de roza en vías da comarca do Morrazo: na autovía AG-46, en Moaña e Cangas; na CG-4.1, que une tamén os municipios de Moaña e Cangas; e na vía de altas prestacións VG-4.6, que comunica os municipios de Cangas e de Bueu
― Continuarán as actuacións en marcha na OU-536, no Pereiro de Aguiar; na OU-504 en Leiro; e na autovía AG-64, nos concellos de Narón e de San Sadurniño
― Estas tarefas forman parte do contrato con Seaga para o control da biomasa das marxes das vías autonómicas
A Xunta comezará a vindeira semana novos traballos de limpeza nas marxes de cinco estradas autonómicas, ao paso polas provincias da Coruña, de Lugo e de Pontevedra.
No caso das provincias da Coruña e de Lugo, as novas actuacións levaranse a cabo na estrada AC-544, no municipio de Outes; e na vía de altas prestacións CG-2.1 ao seu paso polos concellos de Monforte de Lemos, Pantón e O Saviñao, respectivamente.
Tamén comezarán os traballos de roza na provincia de Pontevedra, neste caso centrándose en vías da comarca do Morrazo: na autovía AG-46, en Moaña e Cangas; na CG-4.1, que une tamén os municipios de Moaña e Cangas; e na vía de altas prestacións VG-4.6, que comunica os municipios de Cangas e de Bueu.
Continuarán as intervencións que están en marcha en distintas vías autonómicas da provincia de Ourense: na OU-536, no Pereiro de Aguiar; e na OU-504 en Leiro.
Tamén proseguirán na provincia da Coruña estas tarefas na autovía AG-64, nos concellos de Narón e de San Sadurniño.
Estas intervencións están enmarcadas no novo contrato coa empresa pública Seaga para o control da biomasa das marxes das estradas autonómicas.
Con este programa actúase para previr o risco de lumes e contribuír ao reforzo da seguridade viaria mediante o aumento da visibilidade e as accións para facilitar o tránsito de vehículos, de peóns e de ciclistas.
