— Case 200 centros traballan cos laboratorios de radio e 170 inician o seu alumnado no pensamento computacional en actividades programadas polas bibliotecas
— Un total de 115 centros desenvolven actividades para promover a participación das nais e pais en experiencias de lectura ou traballo con medios de comunicación
— Os centros poden solicitar unirse a Bibliotecas Escolares Solidarias ata o 13 de xaneiro
A Xunta de Galicia vén de publicar as resolucións definitivas dos programas Radio na Biblio, Biblioteca Creativa e Lectura e Familias para este curso 2023/24, a través das que se incorporan novos centros e se dá continuidade á participación dos xa integrados. Así mesmo, o Portal Educativo publicou xa a convocatoria de Bibliotecas Escolares Solidarias, a iniciativa que busca estimular o voluntariado cultural en relación coas bibliotecas e a lectura entre o alumnado dos niveis non universitarios e as súas familias.
Todos estes programas enmárcanse no Plan LIA 2021-2025 (Lectura, Información e Aprendizaxe), pola que se guían todas as actuacións en materia de bibliotecas escolares
nos centros de ensino non universitarios de Galicia.
Case 200 centros con laboratorio de radio
O programa Radio na Biblio chega este curso a 196 centros de ensino, que contan todos eles cun laboratorio de radio no que traballan as competencias informacionais e mediáticas do alumnado. A resolución publicada no Portal Educativo establece a continuidade de 166 centros no programa e a incorporación dos seguintes 30 colexios e institutos:
| Provincia | Concello | Centro |
| Coruña, A | Coruña, A | EOI da Coruña |
| Coruña, A | Coruña, A | CEE María Mariño |
| Coruña, A | Coruña, A | CIFP Universidade Laboral |
| Coruña, A | Culleredo | CEIP Plurilingüe de Tarrío |
| Coruña, A | Malpica de Bergantiños | IES Urbano Lugrís |
| Coruña, A | Moeche | CEIP de San Ramón |
| Coruña, A | Monfero | CPI Plurilingüe Virxe da Cela |
| Coruña, A | Sada | CEIP Plurilingüe O Mosteirón |
| Coruña, A | Santiago de Compostela | IES Arcebispo Xelmírez I |
| Coruña, A | Teo | IES de Cacheiras |
| Coruña, A | Zas | IES Maximino Romero de Lema |
| Lugo | Begonte | CEIP Plurilingüe Virxe do Corpiño |
| Lugo | Viveiro | IES María Sarmiento |
| Lugo | Viveiro | CEP Luís Tobío |
| Ourense | Mezquita, A | CEIP Augusto Assía |
| Ourense | Ourense | CEIP O Couto |
| Ourense | Ourense | IES 12 de Outubro |
| Ourense | Ourense | CPI Plurilingüe José García García |
| Pontevedra | Cangas | CEIP do Hío |
| Pontevedra | Cerdedo-Cotobade | CEIP Plurilingüe de Tenorio |
| Pontevedra | Estrada, A | CEIP Cabada Vázquez |
| Pontevedra | Guarda, A | CEIP A Sangriña |
| Pontevedra | Moaña | CEIP de Abelendo |
| Pontevedra | Ponteareas | CEIP Plurilingüe Feliciano Barrera |
| Pontevedra | Ponteareas | CEIP Plurilingüe Mestre Ramiro Sabell Mosquera |
| Pontevedra | Porriño, O | CEIP Plurilingüe da Ribeira |
| Pontevedra | Vigo | CEIP Virxe do Rocío |
| Pontevedra | Vigo | CEIP Illas Cíes |
| Pontevedra | Vigo | CEIP Plurilingüe Seis do Nadal |
| Pontevedra | Vigo | CEIP de Coutada-Beade |
Un total de 170 colexios desenvolven este curso o programa Biblioteca Creativa, 145 de continuidade e 25 de nova incorporación, tal e como recolle a resolución. O obxectivo da iniciativa é estimular a iniciación do alumnado de Infantil e Primaria no campo do pensamento computacional a través de actividades manipulativas e outras, programadas desde a biblioteca escolar. Os centros de nova incorporación son os reflectidos na seguinte táboa:
| Provincia | Concello | Centro |
| Coruña, A | Arzúa | CEIP de Arzúa |
| Coruña, A | Boiro | CEIP Plurilingüe Santa María do Castro |
| Coruña, A | Carral | CEIP Plurilingüe Vicente Otero Valcárcel |
| Coruña, A | Coruña, A | CEIP Plurilingüe Novo Mesoiro |
| Coruña, A | Laracha, A | CEIP Ramón Otero Pedrayo |
| Coruña, A | Ribeira | CEP Plurilingüe de Carreira |
| Lugo | Sarria | EEI Xela Arias |
| Ourense | Barco de Valdeorras, O | CEIP Plurilingüe Julio Gurriarán Canalejas |
| Ourense | Irixo, O | CEIP Virxe da Pena da Sela |
| Ourense | Mezquita, A | CEIP Augusto Assía |
| Ourense | Ourense | CEIP O Couto |
| Ourense | Ourense | CEIP Plurilingüe de Seixalbo |
| Ourense | Ourense | CPI Plurilingüe José García García |
| Pontevedra | Cambados | CEP Antonio Magariños Pastoriza |
| Pontevedra | Estrada, A | CEIP Plurilingüe de Oca |
| Pontevedra | Estrada, A | CEIP Cabada Vázquez |
| Pontevedra | Moaña | CEIP de Abelendo |
| Pontevedra | Moaña | CEIP Plurilingüe de Tirán |
| Pontevedra | Ponteareas | CEIP Plurilingüe Feliciano Barrera |
| Pontevedra | Redondela | CEIP Plurilingüe de Cedeira |
| Pontevedra | Vigo | CEIP Eduardo Pondal |
| Pontevedra | Vigo | CEIP Plurilingüe Javier Sensat |
| Pontevedra | Vigo | CEIP Balaídos |
| Pontevedra | Vigo | CEIP de Coutada-Beade |
| Pontevedra | Vilagarcía de Arousa | CEIP A Escardia |
Lectura e familias
O programa Lectura e familias estimula o deseño e desenvolvemento de iniciativas que favorezan a participación das familias en actividades da biblioteca escolar. O obxectivo é que nais e pais se impliquen en experiencias de lectura ou de traballo coa información e medios de comunicación, coa finalidade de que poidan intervir con mellores recursos e eficacia na formación dos seus fillos como persoas lectoras e usuarias de información.
Tal e como establece a resolución definitiva, son 90 os centros que continúan no programa, aos que se suman os 25 que se incorporan a el por primeira vez:
| Provincia | Concello | Centro |
| Coruña, A | Boiro | CEIP Plurilingüe Santa María do Castro |
| Coruña, A | Cabanas | CEIP Plurilingüe Eladia Mariño |
| Coruña, A | Cambre | CEIP Emilio González López |
| Coruña, A | Coruña, A | CEIP Cidade Vella |
| Coruña, A | Coruña, A | CEIP Plurilingüe Alborada |
| Coruña, A | Monfero | CPI Plurilingüe Virxe da Cela |
| Coruña, A | Oroso | CRA de Oroso |
| Coruña, A | Pontedeume | CEIP Couceiro Freijomil |
| Coruña, A | Somozas, As | CEIP O Marbán |
| Coruña, A | Touro | CPI Plurilingüe de Fonte-Díaz |
| Lugo | Fonsagrada, A | CEIP Plurilingüe Santa María |
| Lugo | Lugo | IES Sanxillao |
| Lugo | Vilalba | IES Santiago Basanta Silva |
| Lugo | Vilalba | EEI de Vilalba |
| Ourense | Boborás | CEIP Nosa Señora de Xuvencos |
| Pontevedra | Crecente | CEIP Plurilingüe Manuel Sieiro |
| Pontevedra | Estrada, A | CEIP do Foxo |
| Pontevedra | Ponte Caldelas | CEIP Manuel Cordo Boullosa |
| Pontevedra | Ponteareas | CEIP Fermín Bouza Brey |
| Pontevedra | Redondela | IES de Chapela |
| Pontevedra | Silleda | CEIP Ramón de Valenzuela |
| Pontevedra | Vigo | CEIP Plurilingüe Javier Sensat |
| Pontevedra | Vigo | CEIP de Sárdoma-Moledo |
| Pontevedra | Vigo | CEIP Plurilingüe Carballal-Cabral |
| Pontevedra | Vilaboa | CRA de Vilaboa Consuelo González Martínez |
Ata o 13 de xaneiro
Os centros interesados en sumarse a Bibliotecas Escolares Solidarias poderán solicitalo ata o 13 de xaneiro. O programa contempla o desenvolvemento de actividades de voluntariado nas etapas de Primaria e Secundaria e outras ensinanzas, e a posibilidade de optar a unha distinción a través do Selo Biblioteca Escolar Solidaria.
O obxectivo é recoñecer os esforzos das comunidades educativas por conformar bibliotecas escolares inclusivas, que axuden a paliar as desigualdades no acceso ao coñecemento e ao uso dos recursos culturais e de aprendizaxe. A iniciativa intégrase, ademais, como iniciativa de voluntariado nos programas da Dirección Xeral de Xuventude, Participación e Voluntariado, dependente da Consellería de Política Social.