• O Local Social acollerá este sábado ás 17 horas unha charla impartida por Oliva Trasancos, condecorada coa Medalla ao Mérito de Protección Civil
• Desde o Concello de Cariño animan a todas as persoas interesadas en formar parte do grupo para acudir ao relatorio para informarse
O Concello de Cariño organiza este sábado, 16 de decembro, unha charla sobre Protección Civil no Local Social, a partir das 17 horas.
A intención do executivo municipal é a de volver dispoñer dunha agrupación de Protección Civil, que permita realizar a primeira asistencia no caso de que se dese unha emerxencia no termo municipal.
A charla estará impartida pola voluntaria de Protección Civil de Bergondo, Oliva Trasancos, que leva 23 anos na agrupación e foi condecorada coa Medalla ao Mérito de Protección Civil, un distintivo que concede o Ministerio de Interior a persoas e organizacións que destacan polas súas actuacións excepcionais na protección das persoas en situacións de emerxencia.
Segundo apuntan desde o Concello de Cariño, a idea é a de profesionalizar o grupo, ofrecendo formación continua e preparando ás persoas para responder a diferentes situacións, máis aló de cortar unha rúa.
Segundo apunta a Alcaldesa, Ana López, “queremos volver formar unha agrupación de Protección Civil, que está inoperativa desde ou ano 2013, para poder atender a emerxencias leves que poidan suceder non termo municipal, sen agardar á chegada doutros corpos, que se atopan a bastante distancia”.
A rexedora quixo darlle as grazas “a Oliva Trasancos, por dar a charla, e a Alejandro Barreiro, membro de CA.SA.GA. Cans de rescate, pola iniciativa que, de seguir adiante, volverá crear un grupo de Protección Civil en Cariño”.
Por último, Ana López quixo animar “a todas aquelas persoas interesadas en ser voluntatarias a achegarse ata ou Local Social este sábado para coñecer de primeira man toda a información para poder ser membro desta agrupación”.
