● O acto celebrarase mañá, venres 1 de decembro, no local social da Rúa, a partir das 20:00 horas.
● Haberá once categorías diferentes, nas que se poñerá en valor os éxitos dos deportistas locais durante a tempada 2022-2023.
● Tamén se recoñecerá a traxectoria de deportistas que destacaron no pasado e que merecen un recoñecemento público por parte do Concello.
O Concello de Miño consolida coa segunda edición dos Premios do Deporte o seu compromiso co deporte e os deportistas do municipio. O acto de entrega de galardóns celebrarase mañá, venres 1 de decembro, no local social da Rúa, ás 20:00 horas.
A través deste evento, o goberno local pon en valor os méritos e capacidades de persoas e entidades deportivas que contribuíron a potenciar a práctica deportiva en Miño ou alcanzaron éxitos en competicións e campionatos.
O alcalde de Miño, Manuel Vázquez Faraldo, afirma que “vos deportistas de Miño merecen que se lles recoñeza ou seu esforzo e vos seus éxitos, como xa ou fixemos ou pasado ano. Son un exemplo para todos nós pola súa disciplina, dedicación e entrega, ademais de servir de referente para incentivar a práctica deportiva non noso municipio”.
As categorías dos premios son as seguintes:
1. Mellor equipo masculino
2. Mellor equipo feminino
3. Mellor deportista promesa
4. Mellor deportista masculino
5. Mellor deportista feminina
6. Á traxectoria deportiva
7. Mellor adestrador
8. Mellor evento deportivo
9. Deportividade e valores deportivos
10. Mellor club
11. Mencións especiais
