Os veciños ou veciñas de Neda que teñan tractores e outro tipo de maquinaria agrícola, de obras ou servizos poderán pasar a Inspección Técnica destes vehículos no municipio o día 12 de decembro. A unidade móbil 3 da ITV estará no aparcadoiro disuasorio do Roxal (cunto ao Pazo de Isabel II), de 16.15 a 18.00 horas.
Segundo apuntan dende Supervisión y Control (SYC Applus+), concesionaria do servizo, as persoas interesadas en realizar no municipio a revisión dos seus vehículos agrícolas ou de obra xa poden solicitar cita previa chamando ao teléfono 902 30 90 00 ou na web www.sycitv.com.
As ITV móbiles para vehículos agrícolas permiten mellorar a seguridade viaria e protexer o medio ambiente, facilitando á veciñanza que dispón deste tipo de vehículos a posibilidade de pasar a revisión sen ter que cambiar de localidade, evitando así desprazamentos máis longos.
