Unha sesión práctica de poda de castiñeiros e de cociña de castañas puxo onte o punto e final ao Curso de Castañicultura Ecolóxica, organizado polo Concello de Lousame e subvencionado pola Deputación da Coruña. O alumnado aproveitou esta última xornada para participar nunha sesión práctica de poda de castiñeiros, celebrada nun monte de Noia, e nunha sesión de cociña na que aprenderon as posibilidades culinarias das castañas máis aló das típicas castañas asadas: fariña para doces, castañas confitadas, en almibre, en puré…
