● A iniciativa, promovida e coordinada polo Concello de Miño, está destinada a alumnos de Miño, Pontedeume e Cabanas
● Os participantes especializaranse en xardinería e conservación de montes durante 12 meses a 20 alumnos
● A actuación conta cun orzamento de 531.046,20 euros e está financiada pola Consellería de Emprego e Igualdade
O Concello de Miño impulsa, xunto cos municipios de Cabanas e Pontedeume, a cuarta edición do obradoiro dual de emprego ‘Artabroemprende IV’, do que é promotor e coordinador por cuarto ano consecutivo. Con el pretende impulsar a inserción laboral de persoas desempregadas no ámbito da xardinería e a conservación de montes. O proxecto conta cun orzamento de 531.046,20 euros euros, financiados pola Consellería de Emprego e Igualdade.
O obradoiro foi asinado polo alcalde miñense, Manuel Vázquez Faraldo; o alcalde de Pontedeume, Bernardo Fernández; e o alcalde de Cabanas, Fernando Couce.
Dispoñerá dun total de 20 prazas e terá unha duración de 12 meses, nos que o alumnado se formará en dous módulos: un de xardinería en espazos urbanos e outro de mellora de montes. As persoas interesadas en participar deben estar inscritas no Servizo Público de Emprego Estatal (SEPE) como demandantes de obradoiro de emprego.
“Este tipo de iniciativas son moi beneficiosas para a veciñanza, que pode formarse non propio municipio de xeito doado e con posibilidade de contratación unha vez finalizado ou curso”, indicou o alcalde de Miño, Manuel Vázquez Faraldo. “Nas anteriores edicións este obradoiro foi todo un éxito e agardamos que así siga sendo”, remarcou o rexedor.
Os labores prácticos levarán a cabo nos tres municipios participantes na iniciativa. No caso de Miño, realizaranse traballos de xardinería en áreas de descanso do Camiño Inglés e nas avenidas principais de Costa Miño, así como nos arredores das pistas deportivas de Galea, entre outros lugares.
O orzamento destinado a este proxecto contará tamén con incentivos á contratación de alumnos unha vez finalice o obradoiro.
