O Goberno municipal de Oleiros apoia e participará na manifestación convocada para o luns na cidade da Coruña en solidariedade co pobo palestino. O acto será ás 20:00 horas no Obelisco.
A grave masacre que a cidadanía palestina sofre desde hai décadas está a recrudecerse co xenocidio que está a perpetrar o Goberno de extrema dereita israelí contra os 2 millóns de persoas que viven na franxa de Gaza. Ao bloqueo total de alimentos, electricidade, combustible, auga, medicinas,… súmanse os bombardeos, a ameaza de invasión terrestre e a imposibilidade de fuxida desa gran cárcere na que Israel ten cautiva á poboación palestina.
O Concello de Oleiros reclama o cese inmediato da violencia contra a poboación civil, o levantamento do bloqueo contra a Franxa de Gaza e o dereito do pobo palestino a vivir libre e en paz.
