O concelleiro da área de Economía e Planificación Urbana, José Manuel Lage, e o secretario xeral da asociación, Froilán Pallín, asinaron esta mañá o convenio de colaboración
O Concello da Coruña colabora coa Asociación para a Defensa Ecolóxica de Galiza (ADEGA) na posta en marcha de actividades de protección ambiental. O proxecto, que ten como obxectivo protexer o territorio, consiste na retirada de posibles resíduos ou especies invasoras en espazos naturais e mellorar a calidade da contorna.
O concelleiro da área de Economía e Planificación Urbana, José Manuel Lage, e o secretario xeral da asociación, Froilán Pallín, asinaron esta mañá o convenio de colaboración para a realización da actividade e para o que o Concello achegará un total de 10.000 euros. O concelleiro da área estivo acompañado por Noemí Díaz, concelleira de Medio Ambiente.
A colaboración súmase á da asociación ‘Hábitat’ para a realización de actividades de educación e recuperación ambiental en diferentes puntos da cidade avanzando no compromiso do Goberno de Inés Rey coa protección do medio natural.
