Aintervención está a ser executada pola cuadrilla de peóns municipal
O Concello de Neda está a mellorar a accesibilidade peonil na rúa que vai ao cemiterio de San Nicolás. A cuadrilla de peóns, contratada con cargo ao Programa de Emprego Local (PEL- Concellos 2023) que financia
Deputación da Coruña, está poñendo a punto as beirarrúas da zona, que se atopaban nun estado de conservación moi deficiente. A actuación busca optimizar a seguridade dos veciños e veciñas que decote utilizan este vía.
Os operarios municipais traballan dende esta semana na renovación da céntrica rúa
A Queira. Tras o levantado e retirada do solado anterior, que presentaba innumerables pedras desprendidas e fochancas, co derivado risco de tropezos e caídas, comezaron xa a súa substitución por un pavimento de formigón vista.
Xa están finalizados os traballos nos metros da vía máis próximos á confluencia con rúa Xeneral Morgado, e a cuadrilla municipal avanza co encofrado dun novo treito.
Tal e como apuntan dende o Concello, renovaranse as beirarrúas ao longo dos 150 metros da vía.
O Concello busca deste xeito mellorar con pequenas actuacións o espazo publico municipal, apostando polo mantemento e restauración das beirarrúas que se atopan deterioradas polo uso e polo paso do tempo, un dos obxectivos programados no marco do PEL.
