No pleno municipal celebrado no día de onte adoptouse un acordo promovido por un pacto entre PSOE e PP co que nada tivo que ver Alternativa dos Veciños. O Goberno do PSOE, ao non lograr o apoio do BNG, viuse abocado a negociar co PP e pactar a asignación de salarios da corporación municipal.
O acordo, no que non participou Alternativa dos Veciños, non implica que o noso grupo vaia asumir as políticas do Goberno municipal nin do PSOE. Alternativa denunciará todas aquelas actuacións que atenten contra o interese xeral de Culleredo, apoiará todas aquelas cuestións positivas para o conxunto da cidadanía e será unha voz libre ao servizo de todas demandas veciñais xustas que non sexan atendidas como corresponde.
