A Xunta de Goberno Local deu luz verde ao proxecto de modificativo de crédito necesario, que ten en conta o retorno económico previsto polos grandes eventos e concertos neste segundo semestre de ano
Este venres, a Xunta de Goberno Local, reunida no Palacio Municipal de María Pita, aprobou o proxecto para acometer un modificativo de crédito por valor de 2,2 millóns de euros que, na súa meirande parte, irá destinado a reforzar a programación cultural do Concello durante o segundo semestre de ano.
Desta forma, o Goberno de Inés Rey continúa co seu plan estratéxico para afianzar á Coruña como a cidade de referencia no norte do país en materia de cultura e ocio. A escala municipal, o sector cultural xera o 3 % do PIB local. De aí que xa o ano pasado, o Concello incrementase a partida orzamentaria específica para a área municipal de Cultura en 3,1 millóns de euros.
O modificativo de crédito faise tendo en conta o retorno económico que se prevé en base aos eventos que terán lugar na Coruña ata finais de ano, por exemplo o WOMEX, unha feira musical internacional que, durante o mes de outubro, reunirá a máis de 3.000 congresistas, que abarcan desde programadores ata promotores, empresas discográficas, xornalistas e artistas chegados de todo el mundo.
Tras recibir luz verde da Xunta de Goberno Local, o seguinte paso será a elevación da proposta do modificativo ao pleno, con vistas a súa aprobación inicial. O expediente terá que ser exposto ao público, previo anuncio no Boletín Oficial da Provincia (BOP), por quince días.
Considerarase definitivamente aprobado se, no citado prazo, non hai reclamacións.
O modificativo finánciase principalmente co remanente líquido de tesourería (1 millón d euros) e con fondos procedentes doutras partidas xenéricas non esgotadas do actual orzamento e cuxa modificación non afecta ao normal funcionamento do Concello. Tamén figura unha baixa vinculada á área de Benestar Social, trátase de empregar fondos dun investimento plurianual empregando agora para outros fins a partida recollida para o 2024, que será reposta ou mesmo ampliada nos próximos orzamentos municipais para ese ano.
