O grupo de Goberno reedita as dúas dedicacións exclusivas do mandato anterior para o alcalde e o concelleiro de Economía e Facenda
O cambio de día e hora das sesións plenarias e o reparto de competencias entre os distintos concelleiros do Grupo de Goberno foron as únicas novidades do Pleno de Organización do Concello de Frades con respecto ao mandato anterior. Así, o Concello mantén a periodicidade bimensual para as sesións ordinarias que terán lugar o último xoves de cada mes impar ás 12:30 horas (xaneiro, marzo, maio, xullo, setembro e novembro). No mandato anterior os plenos tiñan lugar ás 13:30 horas do último venres dos meses impares.
O pleno aprobou, cos 6 votos a favor do PP e as 5 abstencións de PSOE e BNG, reeditar as dúas dedicacións exclusivas do mandato anterior coa actualización correspondente ao IPC: unha de 42.161,12 euros brutos anuais en 14 pagas para o alcalde e outra de 26.877,76 euros brutos anuais en 14 pagas para o terceiro tenente de alcalde e concelleiro de Economía e Facenda, Ensino, Medio Rural, Sanidade, Limpeza Viaria, Parques, Xardíns e áreas recreativas, Iluminación e Aforo Enerxético: Manuel Ferreiro Marzoa.
Grupos municipais
O Pleno tomou coñecemento da formación de tres grupos municipais: Partido Popular, con Manuel Ferreiro Marzoa como voceiro (suplente: Roberto Rey Martínez); PSOE, co voceiro Enrique Astray (suplente: Lucía García Blanco); e BNG, con Belén Pazos González como voceira. As asignacións aos grupos municipais foron aprobadas cos 7 votos a favor de PP e BNG e as 4 abstencións do PSOE: 50 €/mes por grupo e 50 €/mes por cada concelleiro. Tamén se aprobaron as contías por asistencia a órganos colexiados, desta vez cos 6 votos a favor do PP e as 5 abstencións do BNG: 125 € por Plenos, 150 € por Xuntas de Goberno Local e 100 € por comisións, as mesmas cantidades co mandato anterior.
A Xunta de Goberno local, integrada polo alcalde e os tres tenentes de alcalde, reunirase 3 veces ao mes e haberá dúas comisións informativas, que se reunirán cada dous meses e estarán integradas por 4 membros do PP, 2 do PSOE e 1 do BNG, sendo o alcalde Roberto Rey o presidente de ambas.
Organización das Concellerías
A asignación de Concellerías queda do seguinte xeito:
- Roberto Rey Martínez, alcalde con competencias en Urbanismo, Comunicación, Réxime Interior, Persoal, Relacións Veciñais, Infraestruturas e Obras Municipais.
- Ángeles Álvarez Carro, 1ª tenente de alcalde e concelleira de Benestar Social, Muller, Igualdade, Conciliación e Atención ao menor
- Jesús Miguel Prado Cea, 2º tenente de alcalde e concelleiro de Promoción Económica, Promoción Industrial, Medio Ambiente, Emprego, Formación, Dinamización demográfica e Xuventude.
- Manuel Ferreiro Marzoa, 3º tenente de alcalde e concelleiro de Economía e Facenda, Ensino, Sanidade, Medio Rural, Limpeza Viaria, Novas Tecnoloxías, Servizos, Parques, Xardíns e Áreas Recreativas. Iluminación e Aforro Enerxético.
- Jesús Francos Sánchez, concelleiro de Maiores, Feiras e Mercados, Turismo e Piscina Municipal.
- Juan Carlos Portos Bra, concelleiro de Cultura, Deportes, Patrimonio e Voluntariado.
Finalmente, o alcalde deu conta dos representantes municipais nos distintos organismos:
- Colexio de Ponte Carreira: Manuel Ferreiro Marzoa (suplente: Juan Carlos Portos Bra).
- Mancomunidade de Ordes: Roberto Rey Martínez (suplente: Ángeles Álvarez Carro).
- ASDECOMOR: Roberto Rey Martínez (suplente: Manuel Ferreiro Marzoa).
- FEGAMP: Roberto Rey Martínez (suplente: Jesús Miguel Prado Cea).
- Consorcio Galego de Benestar: Roberto Rey Martínez (suplente: Ángeles Álvarez Carro).
