LOLI SILVA POSICIÓNASE A FAVOR DO ALCALDE PARA QUE A EXECUCIÓN FINAL DA OBRA
CONVERTA A ZONA NUN PASEO COSTEIRO E NON QUEDE REDUCIDA A UNHA ZONA VERDE
ILLADA
Os traballos que leva a cabo a Demarcación de Costas sobre os lodos tóxicos para o seu confinamento nunha área de depósito na marxe da ría pertencente a Oleiros, prevén a creación de case 20.000 metros cadrados de zona verde que se pretende comunicar por carreiros co parque de Beiramar.
Loli Silva, a este respecto, manifestou “Cuestionamos claramente a dobre vara de medir do alcalde, que encabezaba as protestas e manifestacións cando os lodos tóxicos da ría utilizábanse para o porto de Oza e agora parece encomiar o depósito deses mesmos lodos tóxicos no concello de Oleiros. Pero isto non é óbice para apoiar ao alcalde na súa petición a Demarcación de Costas, que pretende eludir agora a creación dun paseo costeiro fiándoo a un novo proxecto no futuro e limitando a actuación á creación dunha zona verde que na práctica quedaría illada.”
Por iso, desde o Partido Popular de Oleiros cremos que esta maneira de enfocar o asunto por parte de Demarcación de Costas é un erro. Loli Silva declarou “Non queremos remendos.
Queremos un proxecto para Oleiros. Un proxecto integral que aborde desde todas as frontes a construción dun paseo costeiro desde Beiramar ata Ou Amorne. E este proxecto ten que incluír necesariamente unha completa rede de saneamento, así como de iluminación pública, tan escaso nas inmediacións. Trátase de facer as cousas con sentidiño e evitar problemas como os de Santa Cristina, con contínuas alegacións que se traducen en atrasos indefinidos na execución das obras.”
