O director xeral de Persoas con Discapacidade, Fernando González Abeijón, acompañado do delegado territorial da Xunta na Coruña, Gonzalo Trenor, participou esta mañá no 44º aniversario do Centro Laboral Lamastelle, onde destacou a súa traxectoria axudando ás persoas con discapacidade a ter unha vida activa, plena e en pé de igualdade.
O director xeral asistiu aos seus actos de conmemoración nos que a entidade organizou unhas ‘Vacacións no mar’, con comida ao aire libre, pachanga, actividades lúdicas e deportivas e verbena de fin de festa. González Abeijón agradeceu a Aspronaga o seu traballo a favor das persoas con discapacidade, especialmente a través deste centro no que favorecen a súa inclusión laboral.
