Comprométese a axudar no que se lle solicite se hai receptividade por parte de García Seoane a algunhas das súas propostas. O Partido Popular de Oleiros lanzou unha oferta de apoio e colaboración ao goberno que xurda tras o pleno de investidura que estará encabezado, ao obter a maioría absoluta, por #Ángel García Seoane. “Dependerá do propio alcalde o que se produzan máis encontros que enfrontamentos. Estamos dispostos a que haxa un antes e un despois.” Manifestou a Portavoz Municipal do Partido Popular Loli Silva. “Cremos que temos moito que achegar e é evidente que algunhas das nosas propostas foron valoradas e asumidas polo grupo de goberno ao longo da pasada lexislatura” engadiu. O Partido Popular espera atopar receptividade nesta formulación, pero tamén aclara que: ” Se se nos ataca defenderémonos, se se nos insulta, responderemos, se se nos limita a capacidade de exercer as nosas funcións, denunciarémolo”. ” Facemos este ofrecemento de maneira pública e notoria e esperamos que o alcalde, tras a investidura, chámenos para falar”
