Citaremos tres exemplos fundamentais do que dicimos:
1- Arrastramos un problema tremendo no que respecta á concesión de licenzas de obra maior. O técnico encargado está completamente superado pola montaña de expedientes que ten para informar. Fai meses solicitámoslle á actual alcaldesa a opción de contratar a unha asesoría técnica externa (como fan outros concellos en situacións similares) para axudar a “desatascar” o problema. A alcaldesa non aceptou. Esa é a realidade. Cando cheguemos á alcaldía tomaremos cartas no asunto, porque a tardanza extrema na tramitación destes expedientes atenta contra a cidadanía de Bergondo ou contra aquelas persoas que veñen de fora e pretenden facer ou rehabilitar unha vivenda en Bergondo.
2- Formaremos unha brigada de obras e servizos municipal en condicións. Non podemos seguir con un número tan reducido de efectivos nunha parte tan importante no día a día dun concello. Sirva como exemplo o feito de termos tan só dous xardineiros para atender todo o concello. Tampouco temos un albanel en plantilla. Todos os días do ano xorden multitude de pequenos arranxos, obras de pouca entidade, reparacións, bacheos, mantemento de beirarrúas e a súa limpeza… e un longo etcétera de situacións que requiren un mínimo de persoal para poder atendelas con axilidade e eficacia.
3- Tamén existe saturación no departamento de Servizos Sociais. É preciso reforzalo canto antes.
