— A Xunta impulsa esta iniciativa para fomentar o desenvolvemento das Competencias Profesionais Docentes e a aprendizaxe conxunta entre profesores
— Favorécese o traballo en equipo do profesorado con intereses compartidos e mesmo se abre a porta á colaboración con centros doutras CCAA ou países
Un total de 36 centros educativos galegos intercambiarán boas prácticas docentes ao abeiro da segunda fase do programa Observa_Acción, convocado pola Xunta para fomentar o desenvolvemento das Competencias Profesionais Docentes e a aprendizaxe conxunta entre os profesores.
En concreto, o intercambio permite experimentar novas vías de formación do profesorado e favorecer a innovación educativa nos centros, ao tempo que se facilita aos docentes a posibilidade de observar de forma directa metodoloxías nos procesos de ensino-aprendizaxe, xeitos de relación e comunicación ou vías de xestión dos recursos propios e alleos que desenvolven outros centros. Así mesmo, favorécese o traballo en equipo do profesorado con intereses compartidos e mesmo se abre a porta á colaboración con centros doutras comunidades autónomas ou países.
Nesta segunda fase, que se desenvolverá ata xuño, cada centro ten outro asignado co que intercambiará experiencias durante un máximo de dous días, mentres actuará como mentor e observador, compartindo, colaborando, reflexionando, observando e formándose mutuamente. O equipo implicado estará integrado por un representante do equipo directivo formando parte dun grupo de entre tres a cinco docentes que realizarán unha visita a outro centro educativo para observar a súa práctica profesional e implicarse nun diálogo que contribúa á mellora das súas capacidades. Esta fase será xestionada polo equipo directivo e coordinada polo Centro de Formación e Recursos correspondente á súa zona.
Os centros seleccionados son os reflectidos na seguinte táboa:
| Provincia | Concello | Centro |
| A Coruña | A Coruña | Escola Oficial de Idiomas da Coruña |
| A Coruña | A Coruña | CEIP Emilia Pardo Bazán |
| A Coruña | Ames | IES Plurilingüe de Ames |
| A Coruña | Arteixo | CEIP Ponte dos Brozos |
| A Coruña | Betanzos | IES Francisco Aguiar |
| A Coruña | Boiro | IES Plurilingüe A Cachada |
| A Coruña | Cerceda | CPI Plurilingüe O Cruce |
| A Coruña | Cerceda | CEIP Plurilingüe Celso Emilio Ferreiro |
| A Coruña | Fene | CEIP Plurilingüe de Centieiras |
| A Coruña | Ferrol | CIFP Rodolfo Ucha Piñeiro |
| A Coruña | Ferrol | IES Sofía Casanova |
| A Coruña | Ferrol | CEIP Plurilingüe A Laxe |
| A Coruña | Monfero | CPI Plurilingüe Virxe da Cela |
| A Coruña | Oroso | CEIP Plurilingüe do Camiño Inglés |
| A Coruña | Outes | CEIP Plurilingüe de Outes |
| A Coruña | Padrón | CEIP Flavia |
| A Coruña | Porto do Son | CEIP Plurilingüe de Sobrado-Nebra |
| A Coruña | Santiago de Compostela | IES Arcebispo Xelmírez II |
| Lugo | Burela | IES Monte Castelo |
| Lugo | Monforte de Lemos | IES Río Cabe |
| Lugo | Sarria | IES Xograr Afonso Gómez de Sarria |
| Ourense | Celanova | IES Celanova Celso Emilio Fereiro |
| Ourense | Viana do Bolo | IES Carlos Casares |
| Ourense | Vilamarín | IES de Vilamarín |
| Pontevedra | Cerdedo-Cotobade | CEIP Plurilingüe de Tenorio |
| Pontevedra | Marín | CEIP de Ardán |
| Pontevedra | Marín | CEIP Plurilingüe da Laxe |
| Pontevedra | Moraña | CPI Plurilingüe Santa Lucía |
| Pontevedra | Mos | CEIP Mestre Martínez Alonso |
| Pontevedra | Pontevedra | IES Sánchez Cantón |
| Pontevedra | Pontevedra | Escola Oficial de Idiomas de Pontevedra |
| Pontevedra | Pontevedra | CEIP de Parada-Campañó |
| Pontevedra | Pontevedra | IES A Xunqueira II |
| Pontevedra | Vigo | IES Valadares |
| Pontevedra | Vilaboa | CEP Plurilingüe de Riomaior |
| Pontevedra | Vilaboa | CRA de Vilaboa Consuelo González Martínez |
Catro fases
A primeira fase do programa, desenvolvida no primeiro trimestre do ano, consistiu na observación das prácticas metodolóxicas entre docentes do mesmo centro educativo. A terceira, prevista para o período outubro de 2023–febreiro de 2024, será de colaboración entre diferentes CCAA adheridas ao programa, incluíndo a recepción dun máximo de cinco docentes, durante un máximo de tres días, a centros doutras comunidades e viceversa para realizar a observación.
Finalmente a cuarta fase, de febreiro a xuño de 2024, será a de internacionalización. Consistirá nunha estadía nun centro educativo dun dos países socios europeos, o que permitirá aos docentes entrar en contacto coa realidade diaria dun sistema educativo nun contexto internacional.
