O director xeral de Maiores e Atención Sociosanitaria, Antón Acevedo, participou hoxe na apertura das IV Xornadas sobre Parkinson que se desenvolveron na sede de Afundación. Responsables de entidades que traballan neste ámbito, técnicos e especialistas nesta doenza neurodexenerativa déronse cita neste encontro organizado pola Asociación Parkinson Galicia-Coruña.
Antón Acevedo agradeceu á entidade e aos seus profesionais o traballo que realizan para mellorar a calidade de vida destes pacientes e apoiar ás súas familias. Tamén destacou a importancia deste tipo de xornadas tanto para compartir coñecementos e experiencias como para dar visibilidade a esta enfermidade.
