• A actuación, que se financia a través do Plan Único da Deputación dá Coruña, conta cun orzamento de 114.342 euros
O Concello de Ortigueira licita dous lotes de obras para levar a cabo a renovación de viais en San Adrián, Cuíña e Luama, financiadas a través do Plan Único da Deputación dá Coruña, que contan cun orzamento de 114.342 euros.
A primeira das actuacións consiste en realizar un aglomerado en quente na pista de acceso á igrexa de San Adrián, na pista que vai desde Calvario ata Catadoira, pasando por Igrexario, cun orzamento de 31.352 euros. Realizarase unha roza previa do terreo, para posteriormente crear as gabias laterais que posteriormente se converterán en cunetas para a recollida de pluviais. Como seguinte paso, colocarase a subbase granular, sobre a que posteriormente se posicionarán a saburra e a base de macadam. A seguinte e última fase consistirá na colocación do aglomerado, primeiro en frio e logo en quente, que revestirá o firme final.
Doutra banda, vai colocar, tamén, aglomerado en quente no vial que vai de Rúa a Campo Rozado, en Cuíña, e na que vai desde A Cortiñona a Morouzos, en Luama, por valor de 82.990 euros. Proxéctase, ademais do aglomerado, o pintado de bandas laterais, o pintado do sinal horizontal de Stop no encontro co aparcamento de Morouzos e unha cuneta de formigón para a recollida de augas pluviais xunto a un dique en Cortiñadona.
Como en San Adrián, realizarase unha roza previa, para posteriormente facer as cunetas dos laterais. O seguinte paso será colocar a subbase granular, sobre a que posteriormente irá superposta a saburra e a base de macadam. Por último, colocarase o aglomerado, primeiro en frío e logo en quente, ofrecerá o resultado final.
Coa mellora destas infraestruturas vai facilitar os desprazamentos dos veciños e incrementarase a seguridade viaria. O próximo día 12 de abril finaliza o prazo para a presentación de ofertas.
